Túrkistan oblysynda birneshe páter urlyǵyna qatysy bar kúdikti ustaldy
TÚRKІSTAN. QazAqparat - Túrkistan oblysynda birneshe páter urlyǵyna qatysy bar kúdikti ustaldy. Tergeý barysynda seziktiniń jábirlenýshilerge 800 myń teńgege jýyq shyǵyn keltirgeni anyqtalyp otyr, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, qańtar aıynda Qazyǵurt aýdanynyń polıtsııa bólimine jergilikti turǵyn aryzdanǵan. Onyń sózinshe belgisiz bireýler úıinen 150 myń teńgeniń noýtbýgi men áshekeı buıymdaryn urlap ketken.
Jedel-izdestirý sharalarynyń nátıjesinde Qazyǵurt aýdanynyń polıtseıleri osy qylmysqa qatysy bar degen Shymkent qalasynyń turǵynyn qolǵa túsirdi. Tekserý barysynda seziktiniń 10-nan astam bótenniń múlkin urlaý qylmysyna qatysy bar ekendigi anyqtaldy.
Ol jábirlenýshilerdiń úıine esik pen terezeni buzyp kirý arqyly, noýtbýkter men túrli baǵaly zattaryn, áshekeı buıymdaryn jymqyryp otyrǵan. Qazir atalǵan jaıt boıynsha QR QK-niń 188 «urlyq» babymen sotqa deıingi tergeý amaldary júrgizilip, aıǵaqty zat retinde alynǵan múlikter zańdy ıelerine qaıtaryldy. Sondaı-aq kúdiktiniń ózge de qylmystarǵa qatysy bar-joǵy tekserilýde.
