Túrkistan oblysynda birneshe avtovokzal ýaqytsha jabyldy
TÚRKІSTAN. QazAqparat - Túrkistan oblysy aýmaǵynda koronavırýs ınfektsııasynyń taralýyna jol bermeý, turǵyndardyń qaýipsizdigin qamtamasyz etý maqsatynda aýdanaralyq baǵyttaǵy reıstiń teń jartysy qysqartylyp, óńirdegi birneshe avtovokzaldyń jumysy ýaqytsha toqtatyldy, dep habarlaıdy QazAqparat Óńirlik kommýnıkatsııalar qyzmetine silteme jasap.
Atap aıtqanda, jolaýshylar kóp shoǵyrlanatyn 4 avtovokzalda: (Leńgir qalasyndaǵy «Taý juldyzy», Jibek joly eldi mekenindegi «Darhan», Túrkistan qalasyndaǵy «Túrkistan ortalyq», «ıAssy») jáne 9 avtobekettiń (Kentaý qalasyndaǵy «Tranzıt servıs», Arys qalasyndaǵy «Arys», Saryaǵash aýdany Jibek joly eldi mekenindegi «Saıran Jibek joly», Saryaǵash qalasyndaǵy «Saryaǵash», «Saý bol», Otyrar aýdany Sháýildir eldi mekenindegi «Nálibek», Jetisaı qalasyndaǵy «Jaz», Túrkistan qalasyndaǵy «Mereı», «Altyn orda») qyzmetteri tótenshe jaǵdaı rejimi aıaqtalǵansha ýaqytsha toqtatyldy.
Mamandardyń aıtýynsha, oblysta atalǵan qaýipti ınfektsııanyń taralýyn boldyrmaý maqsatynda óńir turǵyndaryna saqtyq sharalaryna muqııat bolyp, gıgıenalyq talaptardy saqtaýǵa jáne múmkindiginshe qoǵamdyq kólikpen saparǵa shyqpaǵan jón.
