Túrkistan oblysynda birneshe aqbóken atqan brakonerler ustaldy
TÚRKІSTAN. QazAqparat - Túrkistan oblysynda birneshe aqbóken atqan brakonerler ustaldy, dep habarlaıdy QazAqparat óńirlik Polıtsııa departamentiniń baspasóz qyzmetine silteme jasap.
Túrkistan oblysy PD Jergilikti polıtsııa qyzmeti basqarmasynyń tabıǵatty qorǵaý ınspektorlary jáne «Ohotzooprom» qyzmetkerleri «Ýyldyryq» is-sharasy kezinde olar «Qyzyl kitapqa» engen aqbókenderdi zańsyz atyp alǵan brakonerlerdi qolǵa túsirdi.
Túrkistan oblysy PD JPQ-nyń bastyǵy polıtsııa polkovnıgi Ulyqbek Myltyqovtyń aıtýynsha, birlesken reıdtik shara kezinde polıtseıler kúdikti bolǵan mototsıkl júrgizýshisi men jolaýshysyn baıqaıdy.
Seziktilerdiń sońdarynan qýyp, toqtatady. Tekserý júrgizý kezinde eki er azamattyń
zańsyz ań atyp alǵandyǵyn anyqtaıdy. ıAǵnı olardan «Qyzyl kitapqa» engen 8
aqbókenniń tutastaı eti alyndy. Sondaı-aq 1 tirkelmegen ańshy myltyǵy
men 14 aqbókenniń múıizi tárkilendi.
Ustalǵan eki azamattyń Sozaq aýdanynyń jergilikti turǵyndary ekeni anyqtaldy. Olar Sozaq aýdandyq polıtsııa bólimine jetkizilip, qamaýǵa alyndy.
Qazirgi ýaqytta kúdiktilerge qatysty QR QK-niń 339-babynyń 2 bóligi «Ósimdikterdiń
nemese janýarlardyń sırek kezdesetin jáne quryp ketý qaýpi tóngen, sondaı-aq
paıdalanýǵa tyıym salynǵan túrlerimen, olardyń bólikterimen nemese
derıvattarymen zańsyz aınalysý» jáne QR QK-niń 337-babynyń 4 bóligi «Zańsyz
ańshylyq» boıynsha sotqa deıingi tergep-tekserý amaldary júrgizilýde.
