Túrkistan oblysynda bir jasar sábı koronavırýs juqtyrdy
TÚRKІSTAN. QazAqparat - Túrkistan oblysynyń ákimdigi búgin koronavırýs juqtyrǵan adamdar týraly málimet taratty, dep habarlaıdy QazAqparat.
Túrkistan oblysynda 3 sáýir kúngi sońǵy aqparatqa sáıkes, koronavırýs indetin juqtyrǵan taǵy 3 adam tirkeldi. Búginde óńirde koronavırýs indetimen jalpy 19 adam tirkelgen.
1992 jyly týǵan naýqas Saıram aýdany, Qosbulaq aýylynyń týmasy Birikken Arab Ámirliginen kelgen azamatpen baılanysta bolǵan.
1991 jyly týǵan azamatsha men 2019 jyly týǵan náreste Nur-Sultannan poıyzben kelgen azamatshamen jaqyn baılanysta bolǵan.
Qazirgi tańda 10 naýqas - Jetisaı aýdanynda, Kentaý qalasynda - 2 adam, Arys qalasy - 1, Maqtaaral -3, Ordabasy - 1 jáne Saıram aýdanynda - 2 adamnan tirkeldi.
Olar osyǵan deıin COVID-19 juqtyrǵan naýqastarmen baılanysta bolǵan.
Vırýs juqtyrǵandar qazirgi ýaqytta oqshaýlanyp, em qabyldaýda. Atalǵan azamattarmen baılanysta bolǵandardy anyqtap, oqshaýlaý jumysy júrgizilip jatyr.
