Túrkistan oblysynda bir táýlikte taǵy 5 adam indet juqtyrǵan
TÚRKІSTAN. QazAqparat – Túrkistan oblysynda bir táýlikte taǵy 5 adam indet juqtyrǵan. Bul týraly oblystyq tótenshe jaǵdaı jónindegi shtab málimet taratty, dep habarlaıdy QazAqparat tilshisi.
Arnaıy shtabtyń habarlaýynsha, koronavırýsqa shaldyqqandardyń qatarynda eki jasar sábı men eki jasóspirim bar.
«Arystyq 2018 jylǵy sábı, Kentaý qalasynyń 1982 jylǵy, 2003 jylǵy, 2005 jylǵy turǵyndarynan alynǵan taldama nátıjeleri boıynsha olardyń vırýs juqtyrǵany anyqtaldy. Olardyń barlyǵy Shymkentke Nur-Sultan baǵytyndaǵy 076 poıyzben kelgen Jetisaılyq azamatshamen baılanysta bolǵan naýqastardyń jaqyn týystary. Al, besinshi naýqas 1990 jyly týǵan Jetisaı aýdanynyń turǵyny» delingen habarlamada.
Aıta keteıik, óńirde qazir 33 adamnan koronavırýstyń belgileri tabylǵan. Jetisaıda - 12, Kentaý-5, Ordabasy-1, Saıram-2, Maqtaaral-4, Arys-6, Saryaǵash-1 turǵyny indetke shaldyqqan.
