Túrkistan oblysynda bir táýlikte 300-ge jýyq jol erejesi buzyldy
TÚRKІSTAN. QazAqparat – Túrkistan oblysynyń polıtseıleri «Avtobýs» jedel-profılaktıkalyq is-sharasy barysynda 300-ge jýyq jol erejesin buzýshylyqty anyqtady, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, joldar boıynda oryn alatyn apatty azaıtý men jol qozǵalysy erejelerin saqtaýdyń aldyn alý maqsatynda uıymdastyrylǵan shara jyldyń 10-17 qazan kúnderi aralyǵynda Túrkistan oblysynyń barlyq aýmaǵynda ótedi dep josparlanǵan.
Atalǵan shara barysynda jergilikti polıtsııa qyzmetkerleri bir táýlik ishinde qoǵamdyq avtokólik júrgizýshilerimen jasalǵan 284 jol qaýipsizdik erejesin buzǵandardy anyqtady. Onyń ishinde jolaýshylardy zańsyz tasymaldaýdyń 5 jáıti anyqtaldy.
Odan bólek polıtseıler rólde otyryp, uıaly telefondy paıdalanǵany úshin 49 júrgizýshini ákimshilik jaýapkershilikke tartty. Sondaı-aq, jyldamdyqty arttyrǵany úshin – 31 jáne manevr jasaý erejelerin buzǵany úshin – 18 kólik júrgizýshilerin jazalady. Budan ózge reıdtik is-shara barysynda júk salǵyshtarmen júkterdi jáne jolaýshylardy tasymaldaý erejelerin buzýdyń 20 jaıtyn tirkegen.
«Oblys aýmaǵynda zańsyz qaıta jabdyqtaýdyń 12 deregi, mindetti tehnıkalyq baıqaýdan ótpeýdiń 23 jaıty, reıs aldyndaǵy TQK jáne medıtsınalyq baıqaýdan ótpeýdiń 3 jaıty anyqtalǵan.
Azamattyq-quqyqtyq jaýapkershiliksiz avtokólikti basqarýdyń 20 deregi tirkelgen. Reıd nátıjesinde anyqtalǵan zańbuzýshylyqtardyń barlyq jaıttary boıynsha polıtsııa qyzmetkerleri tarapynan ákimshilik hattamalar toltyrdy» delingen habarlamada.
