Túrkistan oblysynda bir otbasynyń eki balasy sýǵa ketip, qaıtys boldy

TÚRKІSTAN. QazAqparat - Túrkistan oblysynda bir otbasynyń eki balasy sýǵa ketip, qaıtys boldy, dep habarlaıdy QazAqparat tilshisi.

Oqıǵa Arys qalasynyń aýmaǵyndaǵy Qojatoǵaı eldi mekeniniń mańynda bolǵan. Úıden shyǵyp ketken 2008 jáne 2011 jyly týǵan aǵaıyndy jigitter qaıta oralmaǵan.

«Syrdarııa ózeniniń jaǵasyndaǵy kólshikterge túsip, qaıta shyǵa almaı qalǵan. Bir balanyń denesin túngi saǵat 00:30 shamasynda aýyl turǵyndary tapqan. Al, ekinshisin tańǵa jýyq taýyp, sýdan shyǵardyq. Oqıǵaǵa TJD 6 qyzmetkeri jáne qajetti tehnıkalary jumyldyryldy. Sondaı-aq, balalardy izdeý jumystaryna 80-nen astam aýyl turǵyndary kómek kórsetti», - deıdi Túrkistan oblysy TJD azamattyq qorǵanys basqarmasynyń bastyǵy Qanat Qarabalaev.