Túrkistan oblysynda bir aptada marıhýana satqan 2 kúdikti ustaldy
Túrkistan oblysy PD Esirtki qylmysyna qarsy is-qımyl basqarmasynyń qyzmetkerleri bir apta ishinde esirtki qylmysy boıynsha 3 birdeı kúdiktini quryqtady.
Onyń ekeýi esirtkini satsa, úshinshisi esirtkini úıinde saqtaǵan.
Naqtyraq aıtar bolsaq, Saryaǵash APB-ǵa jergilikti turǵyndardyń biriniń esirtkini zańsyz ótkizýmen aınalysatyny týraly habarlama kelip tústi.
Habarlamada kúdiktiniń Saryaǵash aýdany turǵyndarynyń birine marıhýana satqany aıtylǵan.
Atalǵan jaıtty polıtsııa qyzmetkerleri QR QK 297-baby boıynsha tirkedi.
Jedel-izdestirý is-sharalarynyń nátıjesinde polıtseıler esirtki satý qylmysyna kúdikti retinde Saryaǵash qalasynyń buryn sotty bolǵan turǵynyn qolǵa túsirdi.
Jedel ýákilder ustalǵan adamnyń turǵylyqty mekenjaıyn tintý kezinde úıiniń aýlasynda ornalasqan qoradan qaǵazǵa oralǵan esirtkige uqsas zatty taýyp alyp, tárkiledi.
Saraptamaǵa sáıkes, tárkilengen zattyń jalpy salmaǵy 4 gramǵa jýyq marıhýana bolyp shyqty.
Birer kún ótkennen soń dál osyndaı esirtkige baılanysty birneshe jaıt oblysta tirkeldi.
Máselen Báıdibek aýdanynda óz úıinde 3 keliden astam marıhýana saqtaǵan, al Saıram aýdanynda marıhýana satqan er azamat ustaldy.
Onyń da turǵylyqty mekenjaıynan 2 gramnan astam marıhýana tárkilendi. Osy atalǵan 3 jaıt boıynsha kúdiktiler qamaýǵa alyndy.
Báıdibektik kúdiktige qatysty QR QK 296-baby boıynsha, al Saıramda ustalǵan kúdiktige qatysty QR QK 297-babymen sotqa deıingi tergeý amaldary júrgizilýde.
Túrkistan oblysynyń polıtseıleri esirtkiniń zańsyz aınalymy men taralýyna baılanysty qylmys jasaǵany úshin qylmystyq jaýapkershilik qarastyrylǵanyn eskertedi.
