Túrkistan oblysynda bilim jáne medıtsına nysandary birshama kóbeıdi
Táýelsizdik merekesine arnalǵan keshte ekonomıkalyq kórsetkishterge toqtalǵan óńir basshysy aldaǵy ýaqytta da zaman talabyna saı áleýmettik nysandar kóbeıetinin jetkizdi, dep habaralıdy oblys ákiminiń baspasóz qyzmeti.
«2018 jyly 80 bilim nysanynyń qurylysyna memlekettik bıýdjetten 17,5 mlrd teńge bólinip, 30 mektep jəne 3 kolledj el ıgiligine tapsyryldy. Nətıjesinde 5 apatty jəne 3 úsh aýysymdy mekteptiń məselesi sheshildi. Jyl sońyna deıin qosymsha 6 mekteptiń qurylysyn tapsyrý josparlanýda. Bıyl óńirde 94 jekemenshik balabaqsha, memlekettik-jekeshelik áriptestik aıasynda 3 balabaqsha jáne 1 memlekettik balabaqsha tapsyryldy. Balabaqshamen qamtý kórsetkishi boıynsha oblysymyz kóshbasshylar qatarynda. Balalardy mektepke deıingi tárbıemen qamtý kórsetkishi 93 paıyzdan asty. Medıtsına salasyna kelsek, bıyl Kentaý, Saıram, Saryaǵash aýdandarynda 3 ınsýlttik ortalyq ashylyp, 3 dana kompıýterlik tomograf ornatyldy. 62 dárigerlik bekettiń qurylysyn júrgizý josparlanyp, el ıgiligine berildi. Aldaǵy ýaqytta da bul baǵytta jumys báseńdemeıdi», - degen óńir basshysy munyń bári Táýelsizdiktiń jemisi ekenin aıtty.
Búginde Túrkistan oblysynda 125 myńǵa jýyq shaǵyn jáne orta kásipkerlik qurylymdar jumys istep tur. Osy salada 186 myńnan astam adam eńbekpen qamtylyp, olar shyǵarǵan ónim kólemi 130,9 mlrd teńgege jetken.
Oblysta 2018 jyldyń 1 qarashasyna deıin 25 136 jańa jumys orny ashylǵan. Sonymen birge, «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan» baǵdarlamasy aıasynda 65 myń adamdy jumyspen qamtý sharalaryna qatystyrý josparlanyp, júzege asýda. Jappaı kásipkerlikti damytý boıynsha «Bastaý-Bıznes» jobasy aıasynda 1730 adam oqýǵa joldanyp, tıisti sertıfıkattaryn alǵan. «Aýyl - El besigi» arnaıy jobasy aıasyndaǵy «Ár aýylǵa óz sheberi» bastamasy boıynsha oblystyń 123 eldi mekeninen 2588 adam arnaıy oqýdan ótip, jumysqa aralasqan.
«Prezıdentimiz bıylǵy Joldaýynda eldiń ál-aýqatyn jaqsartyp, kásipkerlikti damytý jóninde tyń mindet júktedi. Elbasymyzdyń «Túrkistan» erkin ekonomıkalyq aımaǵyn qurý týraly Jarlyǵy da Túrkistannyń damýyna tyń serpin beredi. Osy oraıda 1380 ga aýmaqta ornalasqan ekonomıkalyq aımaqta óndiris oryndary ashylyp, jańa jumys oryndary paıda bolady», - deıdi J.Túımebaev.
