Túrkistan oblysynda bilim, medıtsına jáne turǵyn úı salalary tsıfrlyq júıege kóshirilip jatyr
Bul týraly oblys ákimi Ómirzaq Shókeevtiń tóraǵalyǵymen ótken Túrkistan oblysy ákimdigi janyndaǵy Sybaılas jemqorlyqqa qarsy is-qımyl máseleleri jónindegi komıssııanyń onlaın otyrysynda aıtyldy. Oblys aýmaǵynda sybaılas jemqorlyqty aldyn alý jáne joıý úshin júıeli jumys atqarylýda.
Oblysta memlekettik qyzmet kórsetýdiń sybaılas jemqorlyq táýekelderi basym salalaryna pılottyq jobalar engizilip, bilim, densaýlyq, jer jáne turǵyn úı salalarynda aýqymdy jobalar jolǵa qoıylǵan. 2018 jyly sybaılas jemqorlyqqa baılanysty tirkelgen qylmystyń basym bóligi bilim, densaýlyq saqtaý, aýyl sharýashylyǵy jáne turǵyn úı salalarynda oryn alǵan. Byltyr oryn alǵan qylmystar jer, bilim, memlekettik satyp alý máselesine qatysty jáne jumyspen qamtý, mádenıet, áleýmettik salalarda tirkelgen.
Jumysqa qabyldaý sharalaryn avtomattandyrý qolǵa alynǵan. Barlyq 902 mektepte smart.nation júıesi engizilip, bos jumys oryndarynan úmitti 2 243 adam jumysqa qabyldandy. «Sanaly Urpaq» jobasy aıasynda emtıhan kezinde ashyqtyq pen jarııalylyq qamtamasyz etilgen. 20 mektep-ınternat ashanalary memlekettik-jekeshelik aıasynda senimgerlik basqarýǵa berilgen.
Densaýlyq saqtaý salasynda da eleýli jetistikter bar. 40 medıtsınalyq uıymnyń barlyǵy 100% elektrondy qujat aınalymyna ótken. 233 medıtsınalyq formanyń 175 elektrondy densaýlyq pasporty jasaqtalǵan, dárigerdiń qabyldaýyna aldyn ala jazylý - 100%. 2020 jylǵy 1 qańtardan bastap medıtsınalyq qujattamany qaǵazsyz, tsıfrly túrde júrgizýge kóshý sharalary júzege asyrylyp jatyr.
Qurylys salasynda sybaılas jemqorlyqtyń jolyn kesý maqsatynda memlekettik qyzmetter elektrondy túrde kórsetilýine baılanysty tutynýshy men qyzmet berýshiniń arasyndaǵy baılanys 100% joıylǵan. Oblys ákiminiń ókimimen arnaıy jumys toby qurylyp, barlyq qala, aýdan, aýyldyq okrýgterde jer máselesine qatysty tolyqqandy taldaý jumystary júrgizilýde. Sonymen qatar, jer ýchaskesin saýda-sattyq (aýktsıon, konkýrs) arqyly berý maqsatynda qurylǵan konkýrstyq komıssııa quramyna 50% úkimettik emes uıym ókilderi engizildi.
2019 jyly turǵyn úıge muqtaj azamattar kezeginde 37 084 azamat tirkelgen bolsa, búgingi kúni 1 128 azamat baspanamen qamtylǵan.
Turǵyn úıge muqtaj azamattardyń kezegine tirkelý halyqqa qyzmet kórsetý ortalyǵy arqyly júrgiziledi. Ashyqtyqty qamtamasyz etý maqsatynda, kezekke qoıýdy avtomattandyrý pılottyq jobasy Túrkistan qalasynda josparlanyp otyr.
Óńirde «Túrkistan - adaldyq alańy» jobasy iske asyrylýda. Negizgi maqsaty - óńirlerdegi sybaılas jemqorlyq dengeıin tómendetý, qoǵam arasyndaǵy jemqorlyqqa qarsy mádenıetti qalyptastyrý, halyqtyń memlekettik bılik ınstıtýtyna senimin arttyrý.
