Túrkistan oblysynda beı bereket tastalatyn qoqys kóbeıip ketken
Túrkistan oblysy boıynsha ekologııa departamentiniń basshysy Qanat Qalmahan bergen málimetke súıensek, jalpy «ǵarysh sapary» túsirilimine sáıkes oblys aýmaǵynda 373 zańsyz stıhııalyq qoqys oryndary anyqtalǵan. Onyń 23 qaldyq turmystyq qaldyqtar polıgondary. Qazirgi kezge deıin olardyń 56 paıyzy tazalanǵan.
Sondaı-aq, ǵaryshtyq túsirilimnen Arys aýdanynyń aýmaǵynda qoqystardyń kóptigi kóringen. Sebebi mundaǵy apatty jaǵdaı oryn alǵan sátte buzylǵan ǵımarattardyń qaldyqtary aýdan aýmaǵyna tastala bergen.
Al, oblystyq tabıǵı resýrstar jáne tabıǵat paıdalanýdy retteý basqarmasynyń basshysy Qaırat Abdýalıev «halyq sanynyń artýymen, qatty turmystyq qaldyqtardyń da kólemi kóbeıgen» - deıdi.
«2022 jyldyń 6 aıdyń qorytyndysymen jalpy 47 140 tonna qaldyq jınaqtalyp, onyń 7 108 tonnasy qaıta óńdeýge baǵyttaldy. Oblys bıýdjet esebinen ústimizdegi jyly 6 polıgondy sanıtarlyq-ekologııalyq talapqa sáıkes keltirý úshin JSQ daıyndaldy. Sondaı-aq, aýdandyq bıýjetten 2022 jyly 37 polıgonnyń qurylysyn júrgizý úshin JSQ ázirleýge qarjy qarastyrylyp otyr» - dedi ol.
