Túrkistan oblysynda bes balaly múgedek áke baspanaly boldy
Qazaqstan musylmandary dinı basqarmasynyń bas múftıi Serikbaı qajy Oraz Nur-Sultan qalasy men Almatydan keıin Túrkistanda aýyzashar berýge arnaıy keldi. Musylman qaýymy jınalǵan basqosýda qaıyrymdy azamattar tul jetim janǵa taǵy bir baspana tartý etti. Aımaqta mundaı qýanyshty jańalyq jylda jalǵasyn tabýda. Máselen, ótken jyly 12 kópbalaly ana men az qamtylǵan otbasyǵa páter berilgen. 
Túrkistan oblysynyń ákimi Ómirzaq Shókeev qaıyrymdylyq sharalaryn halyq arasynda keńinen nasıhattap, túsindirýimiz kerek ekenin atap ótti.
«Qazaqstan musylmandary dinı basqarmasynyń bas múftıi Serikbaı qajy Oraz arnaıy kelip otyr. Ózderińiz bilesizder, Elbasynyń kóregendigi, sarabdal saıasatynyń arqasynda osydan bir jyl buryn Túrkistan qalasy oblys ortalyǵy bolyp qaıta quryldy. Senimdi aqtaý úshin bárimiz jumylýdamyz. Úkimet Túrkistan týraly 5 ret qaýly qabyldady. Munyń bári úlken jumysty talap etedi. Sondyqtan da bizge osyndaı birlik, yntymaq óte qajet. Elbasynyń tapsyrmasymen birtalaı áleýmettik bastamalardy iske asyryp jatyrmyz. Kópbalaly analar men áleýmettik jaǵdaıy tómen otbasylardy qoldaý jóninde jumystar júrgizilip jatyr. Sizderdi ramazan aıymen taǵy da quttyqtaımyn. Otbasylaryńyzǵa amandyq tileımin», - dedi oblys ákimi.
