Túrkistan oblysynda benzın men dızel tapshylyǵy baıqaldy
Túrkistan oblystyq kásipkerlik jáne ónerkásip basqarmasy basshysynyń orynbasary Nurgúl Ábdirazaqovanyń aıtýynsha, óńirdegi munaı saqtaý qoımalarynda AI-92 markaly benzıniniń 6 kúnge jetkilikti, dızeldik otynnyń 8 kúnge jetkilikti qory bar.
Ózbekstan Respýblıkasymen shektesetin Saryaǵash, Qazyǵurt jáne Maqtaaral aýdandarynda janar-jaǵarmaıdyń kórshi elderge zańsyz satylymyna jol bermeýdi qadaǵalaıtyn jumys toby qurylǵan. Sonymen qatar, oblys aýmaǵynda 6 sáýirden bastap janar-jaǵarmaı quıý stantsııalaryna qatysty reıdtik is-sharalar júrgizilip jatyr. Nátıjesinde, biraz kemshilik pen zańsyzdyq anyqtaldy.
Túrkistan oblysy ákimdiginde janar-jaǵarmaı tapshylyǵynyń aldyn alý baǵytynda atqarylyp jatqan jumystar saralanyp, ózekti máseleleri talqylandy.
Jıynda Túrkistan oblysy ákimi apparatynyń basshysy Erkeǵalı Álimqulov oblystyń keıbir aýdandaryndaǵy janarmaı beketterinde AI-92 markaly benzın jáne dızel otynyna tapshylyq baıqalǵandyǵyn jetkizdi.
«Aýdan, qala ákimdikteri janarmaı tapshylyǵyn boldyrmaý maqsatynda jumys tobynyń qyzmetin jandandyrýy tıis. Janarmaı taratý operatorlary men janarmaı quıý beketi ıelerinen munaı ónimderi naryǵyndaǵy jáne basqa da zańdylyqtardy qatań saqtaýlaryn suraımyz. Sonymen qatar, jasandy tapshylyq pen baǵanyń negizsiz ósýine jol bermeýge shaqyramyn. Adal bıznes pen básekelestik, árdaıym memleket qorǵaýynda bolady, qoldaý kórsetemiz. Al, munaı naryǵyndaǵy zańsyzdyqtarǵa sharalar qabyldanady», - dedi Erkeǵalı Álimqulov.
Májiliste janar-jaǵarmaı stantsııasynyń ıeleri, kásipkerler, oblystyq janar-jaǵarmaı assotsıatsııasynyń ókilderi usynystaryn aıtty.
