Túrkistan oblysynda bazarlardan kontrafaktili dıskiler tárkilendi
TÚRKІSTAN. QazAqparat – Túrkistan oblysynda polıtseıler «Kontrafakt» jedel-profılaktıkalyq is-sharasyn ótkizip, kontrafaktili dıskilerdi zańsyz saýdalaýdyń jolyn kesti. Bazarlardan kontrafaktili ónimderi bar 400-den astam dıski men elektrondy tasyǵyshtardy, sondaı-aq pornografııalyq ónimderi bar dıskilerdi tárkiledi, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, reıdtik shara barysynda 11 qylmys anyqtalǵan. Onyń ishinde avtorlyq jáne sabaqtas quqyqtardy buzý jaıty men pornografııalyq materıaldardy taratý deregi tirkelgen. Máselen, Kentaý qalasynyń polıtseıleri qalalyq bazarlardyń birinde pornografııalyq materıaldardy daıyndaýmen jáne taratýmen aınalysqan er adamdy ustady. Kúdiktiden aıǵaqty zattar tárkilenip, sotqa deıingi tergeý amaldary júrgizilýde. Sondaı-aq, Qazyǵurt aýdanyndaǵy jergilikti bazarlardyń birinde 170-ten astam kontrafaktili dıski alyndy. Taǵy 30-dan astam kontrafaktilik dıskilerdi Maqtaral aýdanynyń polıtseıleri ortalyq bazarda satylyp jatqan jerinen tapqan.
«Atalǵan derekter QR QK-niń 198-baby «Avtorlyq jáne sabaqtas quqyqtardy buzý» boıynsha sotqa deıingi tergep-tekserýdiń biryńǵaı tizilimine tirkeldi. Tergeý amaldary júrgizilýde», delingen habarlamada.
