Túrkistan oblysynda báısheshek búr jardy
Bul jańalyqty Ǵanı Nazarbek esimdi ekobelsendi óz Facebook paraqshasynda jarııalady.
Onyń aıtýynsha, báısheshek Otyrar aýdany men Arys qalasynyń shekarasy mańyndaǵy Syrdarııa ózeniniń jaǵasynda ósip shyqqan.
«Bul qalypty jaǵdaı. Kúnniń jylynýy men jer qabatyndaǵy ylǵaldyáserinen ósip shyqqan. Ótken jyly qańtar aıynda báısheshek gúldep, sýyrlar oıanyp ketken bolatyn. Bıyl bir aıǵa kesh shyqty. Munyń ózi de óte qaýipti. Sebebi, kún birden sýyp ketse, úsip ketedi», - deıdi ekobelsendi.
Dala gúli sondaı-aq Syrdarııa-Túrkistan memlekettik óńirlik tabıǵı saıabaǵynyń aýmaǵynda da búrshik atty.
Al, áleýmettik jelide jarııalanǵan jazbaǵa oqyrmandar tarapynan ártúrli pikirler jazylyp jatyr.
Máselen, olardyń arasynda «Kóktem jańashyldyq, baqyt, jaqsylyq ákelsin!», «Kóktem kele jatyr. Sonyń belgisi», «Naýryzdyń nyshany» sekildi pikirler bar.
