Túrkistan oblysynda bastaýysh synyp oqýshylaryna mektepte oqýǵa ruqsat etildi
TÚRKІSTAN. QazAqparat – Túrkistan oblysynda jalpy bilim beretin mektepterdiń 1-5 synyp oqýshylaryna kezekshi synyptarda oqýǵa ruqsat etildi. Tıisti qaýlyǵa óńirdiń Bas memlekettik sanıtarııalyq dárigeri Nurbek Nyshanov qol qoıdy, dep habarlaıdy QazAqparat tilshisi.
Ata-analardyń ótinishimen dástúrli formatta oqıtyn synyptaǵy oqýshylar sany 15-ten aspaýy talap etiledi. Sondaı-aq, ár partaǵa bir baladan shahmat rejıminde otyrǵyzylyp, sabaq ýaqyty 40 mınýttan aspaýy tıis. Oblystyq sanıtarııalyq-epıdemıologııalyq baqylaý departamentiniń talabyna sáıkes, dástúrli formatta sabaq oqytylatyn kezekshi synyptarda jáne shaǵyn jınaqtalǵan mektepterde sanıtarııalyq-gıgıenalyq talaptary qatań saqtalýy qajet. Oqý kabınetterinde antıseptigimen sanıtaızerler ornatylýy qatań qadaǵalanǵan. Oqýshylar men muǵalimderdiń dene qyzýy kún saıyn ólshenip, arnaıy jýrnalǵa tirkeledi. Betperde ár 2 saǵat saıyn aýystyryp, qoldanylǵan las maskalardy arnaıy belgi qoıylǵan qoraptarǵa tastaý talap etiledi.
