Túrkistan oblysynda baspasóz hatshylarynyń biliktiligin arttyrý semınary ótti
TÚRKІSTAN. QazAqparat – Túrkistan oblysynda baspasóz hatshylarynyń biliktiligin kóterý maqsatynda «BAQ jáne áleýmettik jeli: Sýbektıvtik sheńberdegi moraldyq-etıkalyq ustanymdar» atty semınar-trenıng ótti. Aýdan, qala men basqarmalardyń oń ımıdjin qalyptastyrýǵa arnalǵan semınarda ashyq oı-pikirler aıtylyp, basqosý erkin formattaǵy suhbat alańyna aınaldy, dep habarlaıdy QazAqparat tilshisi.
Oblystyq qoǵamdyq damý basqarmasy uıymdastyrǵan sharaǵa lıngvıst-sarapshy, Almaty qalasynyń memlekettik tildi damytý ınstıtýtynyń dırektory, fılologııa ǵylymynyń kandıdaty, dotsent Bıjomart Qapalbekov pen zań ǵylymdarynyń doktory, professor, QR ІІM qurmetti ardageri Balǵabaı Naqypov, «Nur Otan» partııasy Túrkistan oblystyq fılıaly Tóraǵasynyń birinshi orynbasary Beısen Tájibaev qatysty. Olar BAQ jumysy men áleýmettik jelidegi jarııalanymdar týraly baıandama jasady. Semınardy ashqan qoǵamdyq damý basqarmasynyń basshysy Damır Júnisov halyq pen atqarýshy bılik arasyndaǵy baılanysty kúsheıtý kerektigi men semınardyń mańyzdylyǵyn atap ótti.
«Búginde baspasóz qyzmetiniń mamandaryna zor jaýapkershilik júktelip otyr. ıAǵnı, bılik pen halyqtyń arasynda altyn kópir bolyp, elimizdiń damýyna, azamattyq qoǵamdaǵy birlik pen yntymaqty nyǵaıtý jolynda artylǵan senim joǵary»,- dedi Damır Júnisov.
Al, ǵalym Bıjomart Qapalbekov jýrnalıstik etıka men grammatıkalyq qaǵıdattar bir-birimen ózara únsiz úılesim tabatynyna toqtalyp, lıngvıst-sarapshy mamanynyń negizgi mindetin túsindirdi. BAQ tarapynan jarııalanatyn materıaldar men áleýmettik jelidegi jarııalanymdar zańdylyǵy týraly baıandama jasaǵan QR ІІM qurmetti ardageri Balǵabaı Naqypov saraptaý nátıjesi arqyly júzege asatyn jumystardyń jýrnalıster men áleýmettik jeli qoldanýshylary úshin qanshalyqty mańyzy zor ekenin de tilge tıek etti. Sharanyń maqsatyna sáıkes baspasóz hatshylary úshin tıimdiligi joǵary, kúndelikti jumysta kezdesetin kedergiler men túrli oqıǵalar boıynsha Beısen Tájibaev óz tájirıbesimen bólisip, jınalǵandarǵa mazmundy dáris oqydy. Jıyn barysynda oblystaǵy aýdan, qala jáne memlekettik mekeme baspasóz hatshylary birigip, osy tektes tájirıbe almasý sharalaryn jıi uıymdastyrýdy josparlady. Semınar sońynda Túrkistan oblystyq qoǵamdyq damý basqarmasynyń arnaıy sertıfıkattary tabystaldy.
