Túrkistan oblysynda bas dárigerler arasynda alǵash ret arnaıy trenıng ótti
TÚRKІSTAN. QazAqparat – Túrkistan oblysynda bas dárigerler arasynda alǵash ret arnaıy trenıng ótti. Onda júkti áıelder men erte jastaǵy balalarǵa patronajdyq qyzmet kórsetýdiń ámbebap progressıvti modelin engizý jaıy úıretildi, dep habarlaıdy QazAqparat tilshisi.
Oblystyq qoǵamdyq densaýlyq saqtaý basqarmasynyń basshysy Muqan Egizbaevtyń tapsyrmasymen uıymdastyrylǵan tájirıbe sabaqtary Túrkistan qalalyq emhanasynda ótkizildi. Trenıng barysynda bastapqy medıtsınalyq sanıtarlyq kómek engizilgen medıtsınalyq mekemelerdiń bas dárigerleri men olardyń orynbasarlaryna erte jastaǵy balalardyń densaýlyǵyn ata-analar men ortanyń áleýetimen tyǵyz baılanysta qorǵaý jáne nyǵaıtý jaǵy túsindirildi.
Uıymdastyrýshy - oblys boıynsha bastapqy medıtsınalyq-sanıtarlyq kómek qyzmetiniń úılestirýshisi Janar Ospanova. Sharada halyqaralyq jattyqtyrýshy, ıÝNISEF sarapshysy Baıan Babaeva arnaıy jattyǵýlar kórsetti. Aýdıtorııalyq jumystar barysynda teorııalyq zertteý men ınteraktıvti prezentatsııalar usynyldy.
Tájirıbe bóliminde trenıngtermen qatar sıtýatsııalyq esepter jáne problemalyq tapsyrmalardy sheshý qarastyrylǵan. Emhanalarda baǵdarlama modýlderi boıynsha klınıkalyq tájirıbe kórsetilip, tájirıbelik daǵdylardy bekitý jáne týyndaǵan problemalardy taldaý áreketteri qoldanyldy.
