Túrkistan oblysynda barymtashylar sottaldy
TÚRKІSTAN. QazAqparat - Kentaý aýdandyq polıtsııa basqarmasyna aýyl turǵyny aýlasyndaǵy qoradan 8 bas sıyrynyń joǵalǵany týraly aryzdanady. Er adamnyń aıtýynsha, ol úıinde bolmaǵan kezde qoradaǵy iri qaralaryn belgisiz bireýler urlap ketken, dep habarlaıdy QazAqparat Túrkistan oblysy PD-niń baspasóz qyzmetine silteme jasap.
Jábirlenýshige keltirilgen shyǵynnyń kólemi 2 mıllıon teńgeni quraıdy.
Atalǵan jaıtty polıtseıler QR QK-niń 188-baby «Urlyq» boıynsha tirkeýge aldy. Osydan soń oqıǵa ornyna attanyp, jedel sharalardy júrgizdi. Mal tasıtyn kólikterdi, mal
bazarlardy túgel tekserip shyqty. Nebári bir kún ishinde jedel ýákilder 8 bas sıyrdy 4 jergilikti turǵynnyń urlaǵanyn anyqtady. Kúdiktiler kórshiles aýyldyń turǵyndary bolyp shyqty. Olardyń úsheýi qolǵa túsip, bireýine izdeý jarııalanǵan.
Ustalǵandarǵa qatysty tergeý amaldary júrgizildi.
Belgili bolǵandaı, kúdiktiler jábirlenýshiniń úıinde joq ekendigin paıdalanyp, aldyn ala sóz baılasyp, óz aram isterin iske asyrǵan. Sodan soń sıyrlardy tanystarynyń úıine alyp baryp, sol jerde ekeýin soıǵan. Etin ózara bólip alǵan. Al qalǵan sıyrlardy soıyp nemese satyp úlgermeıdi. Óıtkeni aryz túskennen soń jedel áreketke kóshken polıtseıler olardy qalǵan alty sıyrmen birge sol kúni ustap, tárkilengen iri qaralardy ıesine qaıtardy.
Kúdikti tórt er azamattyń úsheýine qatysty is sotqa joldanyp, sottyń sheshimimen 5 jylǵa bas bostandyqtarynan shekteý jazasy taǵaıyndaldy. Al izdeýde bolǵan 4-shi kúdikti de ustalyp, oǵan qatysty tergeý amaldary júrgizilýde. Іs tolyq aıaqtalyp, qujattar jınaqtalǵannan soń onyń da isi zańǵa sáıkes sotqa joldanatyn bolady.
