Túrkistan oblysynda balalar shyǵarmashylyǵynyń respýblıkalyq marafony bastaldy
TÚRKІSTAN. QazAqparat - Túrkistan oblysynda «Jas Túrkistan-2019» balalar shyǵarmashylyǵynyń respýblıkalyq marafony bastaldy. Aýqymdy sharaǵa elimizdegi jetekshi balalar men jasóspirimder basylymdarynyń bas redaktorlary men aqyndar, jazýshylar men dramatýrgter, anımatsııa jáne aýdarma salasynyń ókilderi men jýrnalıster, telearna jáne saıt jetekshileri qatysýda, dep habarlaıdy QazAqparat tilshisi.
Oblys ákimdiginiń ishki saıasat basqarmasy uıymdastyrǵan jıynda balalar ádebıeti men aýdarmasy, jýrnalıstıka men anımatsııa salasy jóninde baıandamalar jasaldy. Áleýmettik jelilerdegi balalar psıhologııasy jáne ózge de máseleler talqylandy. Basqosýda oblys ákiminiń orynbasary Málik Otarbaev sóz alyp, atalǵan sharanyń mańyzyna toqtaldy.
«Bala tábıesi qashanda basty nazardan tys qalǵan emes. «El bolamyn deseń, besigińdi túze» demekshi, balalardyń tárbıesimen qatar, balalar shyǵarmashylyǵynyń damýyna mán berip otyramyz. Bizdiń óńirde myńǵa tarta bilim uıalary men kolledjder bar. Onda balalardy jan-jaqty damytý, san salaǵa beıimdeý máselelesine kóńil bólinip otyr. Degenmen, balalarymyzdyń bolashaǵy, olarǵa qandaı tárbıe beriýmiz kerek degen máseleler qoǵamda ózektiligin joǵaltpaıdy. Sondyqtan búgingi sharanyń mańyzy zor»,- dedi Málik Otarbaev.
Jıynda, sonymen qatar, balalar men jasóspirimder basylymdarynyń «Jas órken» JShS bas dırektory Júsipbek Qorǵasbek pen «Balapan» telearnasynyń bas prodıýseri Sandýǵash Baımahanqyzy, Talbesik.kz saıtynyń bas redaktory Azamat Bıtan men «Saq» kınostýdııasynyń dırektory Nurıddın Pátteev, «Baldyrǵan» jýrnalynyń bas redaktory Dúısenbek Maǵlumovtar ózekti máselege qatysty óz pikirlerin ortaǵa saldy. Balalar ádebıeti men basylymdary, anımatsııasy, poezııasy jáne balaqaılar men jetkinshekterge arnalǵan saıttardy damytý máselelerin qozǵady.
Sonymen birge, bala psıhologııasy men ony jat pıǵyldy aqparattardan qorǵaý, sapaly dúnıe usyný joldary da aıtyldy. Marafon aıasynda túrli janrlar boıynsha sektsııalyq otyrystar ótkizilip, jas urpaqty izgilikke jáne meıirimdilikke, shyǵarmashylyq pen otanshyldyqqa tárbıeleý joldary jóninde pikirler ortaǵa salyndy. Osy salada júrgen mamandar oı qozǵady.
