Túrkistan oblysynda balalar men qarttar koronavırýsty jıi juqtyratyn bolǵan
Vaktsına almaǵan qyzmetkerler jumysqa jiberilmeıdi nemese ondaı azamattar aptasyna bir ret óz qarajaty esebinen PTR test tapsyryp turýǵa mindetti.
Alaıda, mundaı talaptar medıtsınalyq qarsy kórsetilimi bar jáne sońǵy 3 aı ishinde koronovırýspen aýyryp jazylǵan azamattarǵa qoıylmaıdy.
Bul týraly búgin óńirlik kommýnıkatsııalar qyzmetinde ótken brıfıngte Túrkistan oblysynyń bas sanıtarııa dárigeri Nurbek Nyshanov málimdedi.
Onyń aıtýynsha, sońǵy shyqqan qaýlyǵa sáıkes menshik nysanyna qaramastan oblystaǵy barlyq uıym basshylaryna qyzmetkerlerine profılaktıkalyq egý jumysyn uıymdastyrý tapsyrylyp otyr.
«Óńirimizde jyl basynan beri Sovid-19 aýrýyna shaldyqqan 3352 adam tirkeldi. Al, vırýsty pnevmonııamen 2744 azamat aýyrdy. Aımaqtyń epıdemıologııalyq baǵalaý matrıtsasy boıynsha jasyl aımaqtar qatarynda. Oblysta sońǵy eki aptada koronovırýs jaǵdaıy 1,6 ese ósti. Statıstıka boıynsha eń aldymen 14 jasqa deıingi balalar, 20-29 jastaǵy azamattar men jasy 60-tan asqan zeınetkerler arasynda koronavırýs juqtyrý kórsetkishi jıi kezdesip otyr. Osyǵan baılanysty el ishinde aýrýdyń keń taralýyn boldyrmaý maqsatynda karantındik talaptar kúsheıtilip otyr», – dedi N.Nyshanov.
Óz kezeginde «Atameken» kásipkerler palatasy dırektorynyń orynbasary Zýhra Amırova «Ashyq» ashyq qosymshasynyń óńirimizde qoldaný belsendiligi týraly da baıandady.
Onyń sózinshe, jobany paıdalaný úshin 672 ótinim túsken.
Onyń 561-i qosylyp, jumysyn atqarýda, al 88-i QR kod alsa, sońǵy eki aptada kelýshiler sanyn múlde tirkemegen 44 nysan jobadan shettetildi.
Sondaı-aq, dırektor orynbasary bıznes ókilderi qosymsha arqyly jumys isteýge daıyn bolǵanymen, mekemede kelýshilerdiń mártebesin tekseretin qyzmetkerlerdiń jetispeýshili azdap qıyndyq týdyryp jatqanyn aıtady.
Aıta ketelik, Ashyq jobasymen jumys isteıtin nysandarǵa kelýshiler Ashyq qosymshasymen qatar Aitu, Egov mobile, Kaspi.kz, Halyk Homebank, Sberbank.kz platformalaryn qoldana alady.