Túrkistan oblysynda balabaqsha meńgerýshisi para aldy dep aıyptaldy
TÚRKІSTAN. QazAqparat - Túrkistan oblysynda «Qobylandy bóbekjaı balabaqshasy» MKQK meńgerýshisi para aldy degen kúdikke ilindi, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.
Túrkistan oblysynyń sybaılas jemqorlyqqa qarsy qyzmeti «Qobylandy bóbekjaı balabaqshasy» MKQK-nyń meńgerýshisine qatysty para aldy degen kúdik boıynsha sotqa deıingi tergeý jumystaryn bastady.
«Ol azamattan tárbıeshi retinde ony jumysqa ornalastyrǵany úshin 200 myń teńge kóleminde para aldy degen kúdikke ilindi. Sotqa deıingi tergeý jalǵasýda. Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady», delingen habarlamada.
