Túrkistan oblysynda baqtashy ózi baǵyp júrgen maldy satyp jibergen
NUR-SULTAN. QazAqparat – Túrkistan oblysynda baqtashy ózi baǵyp júrgen maldyń jartysyn satyp, aqshany óz paıdasyna jaratqan, dep habarlaıdyPolisia.kz.
Saıt taratqan málimetterge qaraǵanda, Túrkistan oblysy, Shardara aýdandyq polıtsııa bólimine jergilikti turǵyn aryzdanyp, otar qoıynyń ishinen 570 bas qoıy joǵalǵanyn habarlaǵan.
Jábirlenýshiniń aıtýynsha, aǵymdaǵy jyldyń sáýir aıynda ol maldaryn jergilikti turǵynǵa baǵýǵa senip tapsyrǵan. Alaıda 3 aıdan soń maldaryn sanaǵanda bir bóligi joq bolyp shyqqan. Bul jaıt QR QK-niń 189-baby «Senip tapsyrylǵan bóten múlikti ıemdený nemese ysyrap etý» boıynsha sotqa deıingi tergep-tekserýdiń biryńǵaı tizilimine tirkeldi.
Jedel-izdestirý is-sharasy barysynda, polıtsııa qyzmetkerleri qoı urlaýǵa qatysy bar baqtashyny, ıaǵnı Shardara aýdanynyń turǵynyn ustady. Anyqtalǵandaı, kúdikti maldardyń kóp bóligin satyp, al aqshasyn óz qajetine jumsaǵan. Jalpy jábirlenýshige keltirilgen shyǵyn kólemi 28, 5 mıllıon teńgeden asty.
Qazirgi ýaqytta bótenniń múlkin ıemdený jáne ysyrap etý faktisi boıynsha sotqa deıingi tergeý amaldary júrgizilýde. Kúdikti qolhat berdi. Polıtsııa qyzmetkerleri istiń mán-jaıyn anyqtaýda.
