Túrkistan oblysynda baǵdarshammen oınaǵan balalardyń ata-anasy ákimshilik jaýapqa tartyldy
Áleýmettik jelide kóshe qıylysyndaǵy baǵdarshammen qyzyq úshin oınap júrgen balalardyń vıdeosy tarady. Onda jasóspirimder baǵdarshamnyń tok turatyn qurylǵysyn ashyp, jaryǵyn qalaǵan kezde óshirip, qosyp júrgenin kórýge bolady.
Jalpy oqıǵa Sozaq aýdanynda bolǵan. Tártip saqshylary quqyq buzýshylyq jasaǵandardy anyqtap, profılaktıkalyq túsindirý jumystaryn júrgizdi. Al, ata-anasyna QR ÁQBtK-niń 442-baby «Kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy» boıynsha ákimshilik shara qoldanyldy.
«Jasóspirimder bul teris áreketterin qyzyq kórý maqsatynda jasaǵandaryn moıyndap, aldaǵy ýaqytta qaıtalamaıtyndaryn jetkizdi»-delingen Túrkistan oblysy polıtsııa departamentiniń baspasóz qyzmeti taratqan aqparatta.
