Túrkistan oblysynda azyq-túliktiń shekti baǵasy belgilendi
Máselen, birinshi sotty bıdaı unynyń kelisi - 169 teńge, birinishi sortty unnan jasalǵan bıdaı nany - 155 teńge, kúrish 216 teńge, sıyr eti - 1910 teńge, taýyq jumyrtqasy - 28 teńge, kúnbaǵys maıy - 434 teńge, as tuzy - 49 teńge, qaraqumyq jarmasy - 327 teńge bolyp belgilengen. Bazar narqyndaǵy taýardyń quny osy belgilengen baǵadan asyp ketpeýin qadaǵalaý úshin mamandar saýda oryndaryna turaqty túrde monıtorıng júrgizip keledi. Bul týraly oblystyq kásipkerlik jáne saýda basqarmasy málimdedi.
Mamandar turǵyndardy azyq-túlik qunynyń qymbattaýyn boldyrmaý sharalaryna atsalysýǵa shaqyrady. Atalǵan taýarlardyń belgilengen shektik baǵadan qymbatqa saýdalanyp jatqanyn kezdestirgen azamat tıisti orynǵa habarlasýyna bolady. Ol úshin bar bolǵany dosmart.kz saıtyna nemese ConsumerprotectionKZ telegram arnasyna kirip, qajetti aqparat (dúken ataýy, taýar jáne satý baǵasy, aty-jónińiz, telefon nómirińiz) berý kerek. Sondaı-aq, jergilikti ákimdikke tikeleı habarlasyp ta mán-jaıdy jetkizýge bolady.
Aıta keteıik, azyq-túlik baǵasynyń kóterilmeýine baılanysty mundaı jumystar QR Saýda jáne ıntegratsııa mınıstrligi, Aýylsharýashylyǵy mınıstrligi jáne Ulttyq ekonomıka mınıstrligi birlese shyǵarǵan buıryq negizinde atqarylýda.
«Áleýmettik mańyzy bar azyq-túlik taýarlaryna shekti bólshek saýda baǵalaryn engizý» týraly buıryqta Qazaqstan Respýblıkasynda tótenshe jaǵdaı kezeńindegi áleýmettik mańyzy bar azyq-túlik taýarlaryna shekti bólshek saýda baǵalary engizilsin delingen.
Sondaı-aq, birlesken buıryqtyń oryndalýyn baqylaý QR saýda jáne ıntegratsııa, aýyl sharýashylyǵy jáne ulttyq ekonomıka vıtse-mınıstrlerine júkteletini kórsetilgen.
