Túrkistan oblysynda azyq-túlik turǵyndardyń úıine deıin jetkiziledi

TÚRKІSTAN. QazAqparat – Túrkistan oblysynda tótenshe jaǵdaıǵa baılanysty turǵyndarǵa azyq-túlik taýarlary úıine deıin jetkizilýde. Mundaı ıgi isti «Túrkistan» ÁKK» AQ azamattarǵa qoldaý kórsetý maqsatynda júzege asyryp keledi, dep habarlaıdy QazAqparat tilshisi.

«Túrkistan» ÁKK» AQ málimetinshe, kez kelgen azamat qajetti azyq-túlik jáne basqa da taýarlarǵa tapsyrysty baılanys telefondary nemese WhatsApp áleýmettik jelisi arqyly bere alady.

Al, taýar úshin tólemaqy qolma-qol nemese bank kartasy arqyly jasalady. Jetkizý aqysy bolsa tapsyrys berýshiniń ornalasý qashyqtyǵyna baılanysty 350-700 teńge aralyǵynda dep bekitilgen.

Óz kezeginde kópbalaly otbasylar men múgedekterge, jalǵyzbasty analar men áleýmettik az qamtylǵan otbasylarǵa jatatyn jandarǵa bul qyzmet túri tegin kórsetilip otyr.

Aıta keteıik, jalpy Túrkistan qalasynda áleýmettik mańyzy bar azyq-túlik taýarlaryn satýmen aınalysatyn 14 áleýmettik dúken men 5 sýpermarket bar.