Túrkistan oblysynda azyq-túlik baǵasynyń ósýin tejeýge 1,3 mlrd teńge bólindi
«Túrkistan oblysy boıynsha «aınalym shemasyna» 1 300,0 mlrd teńge bólindi. «Aınalym shemasy« aıasynda taýar óndirýshilerge 640 mln teńge, atap aıtqanda, «Magnum Cash&Carry» JShS-ne 200 mln teńge, «Álı Saýda» JShS-ne 300 mln teńge, «Chýdo-P» JShS-ne 70 mln teńge jáne «Saıram sút» JShS-ne 70 mln teńge berildi», - delingen mınıstrlik aqparatynda.
Aıta keteıik, áleýmettik mańyzy bar azyq-túlik taýarlaryna baǵanyń ósýin tejeýdiń tıimdi quraldarynyń biri saýda nysandaryna «aınalym shemasy» arqyly jeńildikpen kredıt berý, ıaǵnı ákimdikterdiń saýda júıesine qatysýshylar úshin jeńildikti paıyzben qaryz qarajatyn bólýi bolyp sanalady.
Bul saýda jelilerine jergilikti óndirýshilerden satyp alynatyn ónim kólemin, onyń ishinde forvardtyq kelisimsharttar jasasý arqyly keńeıtýge, al óndirýshilerge óz taýarlaryna bosatý baǵasyn belgileýge múmkindik beredi. Jeńildikti qaryzdar ala otyryp, saýda jelileri ónimniń jekelegen túrleriniń belgili bir kólemine baǵany ustap turý boıynsha qarsy mindettemelerdi ózine alady. Nátıjesinde bul taýarlar naryq baǵasynan ortasha 15-20 paıyzǵa tómen baǵamen satylady.
