Túrkistan oblysynda aıý júr

TÚRKІSTAN. QazAqparat - Túrkistan oblysynda aıý júr, dep habarlaıdy QazAqparat tilshisi.

Úlken qońyr tústi aıý Boraldaı taýynyń Báıdibek aýdanyna qarasty aýmaǵynda fotoqaqpanǵa túsip qalǵan. Sýret kómeskileý bolsa da aıýdyń beınesin anyq kórýge kórinedi.

«Kópten beri izi men tezegin ár jerge tastap ketip júrgen «jumbaq» aıý 13 tamyz kúni fotoqaqpanǵa tústi. Bul «Syrdarııa-Túrkistan memlekettik óńirlik tabıǵı parki» kommýnaldyq memlekettik mekemesi Boraldaı fılıalyna qarasty erekshe qorǵalatyn tabıǵı aýmaq ýchaskesi bolyp tabylady. Qysqasy aıýdyń mekendeý ortasy Báıdibek aýdanyna deıin keńeıdi. Aldaǵy ýaqytta aıýdyń túr-túsi men ózge de erekshelikteri anyqtalatyn bolady» - dep jazdy «Syrdarııa-Túrkistan memlekettik óńirlik tabıǵı parki KMM» Boraldaı fılıalynyń dırektory Baqytjan Qyryqbaı Facebook-tegi paraqshasynda.