Túrkistan oblysynda aımaqtyq alǵashqy ploggıng marafony ótti
TÚRKІSTAN. QazAqparat – Túrkistan oblysynda «Jastar taza Túrkistan úshin!» taqyrybynda aımaqtyq alǵashqy ploggıng marafony ótti. Igi shara oblystyq Jastar resýrstyq ortalyǵynyń bastamasymen Dúnıejúzilik qorshaǵan ortany qorǵaý kúnine oraı uıymdastyrylǵan, dep habarlaıdy QazAqparat tilshisi.
Túrkistandyq eriktiler men jastar qaladaǵy «Jeńis» saıabaǵyna jınalyp, ploggıng marafonynyń tártibimen tanysty. Belsendi jastar toptarǵa bólinip, ózderine tıesili aýmaqtardy júgirip ótý arqyly qoqys jınaýdan jarysqa qatysty.
«Bıyl óńirde Jastar ortalyǵynyń uıymdastyrýmen alǵash ret ploggıng marafony ótti. Oǵan qaladan 40-qa jýyq eriktiler men jastar qatysty. 60 mınýtta Jeńis saıabaǵynan salmaǵy 300 keliden 4 qap qoqys jınaldy. Bul ekologııalyq qozǵalys – salaýatty ómir saltyn ustaný men tabıǵatqa degen qamqorlyqtyń tamasha úılesimdiligi. Marafon turaqty túrde uıymdastyrylyp, oblys kóleminde jalǵasyn tabatyn bolady», – dedi oblystyq jastar ortalyǵynyń basshysy Amalbek Ómirtaı.
