Túrkistan oblysynda áıel túrmedegi kúıeýine mántiniń arasyna salyp telefon kirgizbek bolǵan
NUR-SULTAN. QazAqparat - Túrkistan oblysyndaǵy jaza óteý mekemesinde áıeli kúıeýine mántiniń arasyna salyp telefon kirgizbek bolǵany anyqtaldy, dep habarlaıdy QazAqparat QR ІІM Qylmystyq-atqarý júıesi komıtetine silteme jasap.
Komıtettiń baspasóz qyzmetiniń málimdeýinshe, Túrkistan oblysy Qylmystyq-atqarý júıesi departamentiniń qaýipsizdik deńgeıi barynsha kúsheıtilgen mekemesiniń qyzmetkerleri keshe elektrondy baılanys quraldaryn alyp kirý áreketiniń jolyn kesti.
«Kúıeýin kórýge kelgen áıel uıaly baılanys telefony men jady kólemi 4 gb flesh-kartany ystyq tamaqtyń – mántiniń ishine salyp kirgizbek bolǵan», - deıdi vedomstvo ókilderi.
Áıeldiń aıtýynsha, belgisiz bireýler týra osy túrmede otyrǵan adamǵa ystyq tamaq ala barýyn suraǵan. Endi osy áreketi úshin ol ákimshilik jaýapqa tartylyp, 10 AEK mólsherinde aıyppul salynýy múmkin.
Osy derek QAJ mekemesiniń Esepke alý jáne aqparat kitabyna tirkeldi, materıaldar protsestik sheshim qabyldaý úshin sotqa jiberildi.
