Túrkistan oblysynda avtobýs júrgizýshileri 660 ret zań buzǵan
TÚRKІSTAN. QazAqparat - Túrkistan oblysynyń polıtseıleri «Avtobýs» jedel aldyn alý is sharasy barysynda 660 jol júrý erejesin buzǵandardy anyqtady. Qoǵamdyq kólikterdiń júrgizýshileri jyldamdyqty arttyryp, joldyń qarsy betine shyǵyp ketken, dep habarlaıdy QazAqparat tilshisi.
Oblystyq Polıtsııa departamenti baspasóz qyzmetiniń málimetinshe, «Avtobýs» jedel aldyn alý is-sharasynyń úsh kúninde tártip saqshylary jolaýshylardy tasymaldaý erejesin buzýdyń 30 jáne avtotransport quraldaryn ruqsatsyz paıdalanýdyń 41 jáıtin anyqtaǵan. Al, 218 júrgizýshi avtokólikti basqarýda telefon qoldanǵan. Avtobýsty tizgindegeýshiniń 114-i manevrlik erejelerdi buzsa, 59-y jyldamdyqty arttyrǵan.
Budan ózge joldyń qarsy betine shyǵýdyń 1 jáıti tirkelip, 98 júrgizýshiniń mindetti tehnıkalyq baıqaýdan ótpegeni belgili boldy. Sondaı-aq, qoǵamdyq kólik tizgindegenderdiń medıtsınalyq tekserýden ótpegeni, saqtandyrý polısi qujatynsyz jolǵa shyqqandary anyqtaldy. Barlyq ereje buzýshylarǵa qatysty tıisti sharalar qoldanylyp, ákimshilik jaýapqa tartyldy.
Túrkistan oblysynyń PD jol polıtsııasy qyzmetiniń ókilderi kórsetkendeı, osyndaı aldyn-alý is-sharalary qoǵamdyq kóliktiń qatysýymen bolatyn oqıǵalardy azaıtady. Sonymen qatar jolaýshylardy tasymaldaý qaýipsizdigin qamtamasyz etip, júrgizýshilerdiń jaýapkershiligin arttyrady.
