Túrkistan oblysynda avtobýs jolaýshysynan 300 doza geroın tabyldy
Polıtseılerdiń málimetinshe, Túrkistan qalasynda asa iri kólemde geroın tasymaldaǵan turǵyn ustaldy. Esirtkini zańsyz saqtaý jáne tasymaldaý týraly aqparat oblystyń Polıtsııa departamenti Esirtki qylmysyna qarsy is-qımyl basqarmasyna túsken. Aryz boıynsha birden shuǵyl qımyldar bastalǵan.
Esirtki qylmysyna qarsy is-qımyl basqarmasynyń qyzmetkerleri «Shymkent-Samara» tasjolymen qozǵalǵan jolaýshy avtobýstaryn tekserýge kirisken. Onyń barysynda «Almaty-Túrkistan» baǵytynda kele jatqan avtobýstaǵy jolaýshy áıel kúdik týdyrǵan. Tintý kezinde áıeldiń sómkesinen qaǵazǵa oralyp, polıetılen paketine salynǵan aq-sur tústi esirtkige uqsas untaq tabyldy.
Saraptama taǵaıyndalyp, onyń qorytyndysy boıynsha tárkilengen zattyń jalpy salmaǵy 60 gramǵa jýyq geroın ekeni anyqtaldy. ıAǵnı geroınniń bul salmaǵy 300-ge jýyq birrettik dozaǵa teń.
Atalmysh fakti QR QK-niń 297-babymen (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sotqa deıingi tergep-tekserýdiń biryńǵaı tizilimine tirkeldi.
Kúdikti áıel qamaýǵa alyndy.