Túrkistan oblysynda avtoban betony kúnniń ystyǵynan taǵy da kóterilip ketti
TÚRKІSTAN. QazAqparat - Túrkistan oblysynda avtoban betony kúnniń ystyǵynan taǵy da kóterilip ketti, dep habarlaıdy QazAqparat tilshisi.
Okıǵa keshe bolǵan. Jelide taraǵan vıdeolardan joldaǵy betonnyń kóterilip, kólikterdiń júrýine kedergi keltirip jatqanyn kórýge bolady.
«Respýblıkalyq mańyzy bar M-32 «Samara-Shymkent» avtojolynyń Túrkistan qalasy Temirlan aýdany mańyndaǵy bóliginde (2234 km) aýa temperatýrasynyń joǵarylaýyna baılanysty (+47S deıin) tsement-beton jabyny qopsyp ketti»,- delingen Qazavtojol Turkestan mekemesiniń Facebook paraqshasynda shyqqan aqparatta.
«ShymkentDorstroı ÓK» JShS merdigerlik uıymy aqaýdy joıý jumysyn júrgizdi. Oǵan Ekskavator, asfalt taptaǵysh mashına, KAMAZ, jikkesý qurylǵysy jáne 10 jumysshy jumyldyrylǵan.
Aıta keteıik, maýsym aıynda da «Samara – Shymkent» avtobanynyń Tórtkól kenti aýmaǵynda beton plıtasy kóterilip ketken bolatyn.
Foto: facebook.com
