Túrkistan oblysynda aýyz sýdan alynǵan synama gıgıenalyq normatıvterge sáıkes kelmedi
Túrkistan oblysynda qalalyq jáne aýdandyq sanıtarııalyq-epıdemıologııalyq baqylaý basqarmalary tarapynan ortalyqtandyrylǵan sý júıelerine monıtorıng júrgizildi.
Sala mamandary sý quramynyń mıkrobıologııalyq jáne sanıtarııalyq-hımııalyq kórsetkishterin zerttedi.
Nátıjesinde mıkrobıologııalyq zertteýge alynǵan 2298 sý quramynyń Jetisaı, Maqtaaral, Ordabasy, Keles, Tóle bı aýdandarynan alynǵan 21 synamasy gıgıenalyq normatıvterge sáıkes kelmedi.
Al, sanıtarııalyq-hımııalyq quramyn zertteýge alynǵan 1333 synamanyń 31-nen sáıkessizdik tabylǵan.
Onyń basym bóligi Túrkistan qalasy men Báıdibek, Jetisaı, Maqtaaral, Ordabasy, Keles, Tóle bı, Shardara aýdandaryndaǵy sý júıelerine tıesili.
«Sanıtarııalyq-epıdemıologııalyq baqylaý basqarmalary tarapynan sý taratýshy mekemelerge anyqtalǵan sáıkessizdikterdi joıý boıynsha usynys hattar joldandy. Jalpy jyl basynan beri oblys kóleminde sý arqyly beriletin juqpaly aýrýlar tirkelgen joq. Halyq tutynatyn aýyz sý epıdemııalyq jáne radıatsııalyq turǵydan qaýipsiz, hımııalyq quramy boıynsha zııansyz jáne jaǵymdy organoleptıkalyq qasıetterge ıe bolýy tıis» delingen oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan aqparatta.
