Túrkistan oblysynda aýyldasyn azaptap óltirgender ustaldy
TÚRKІSTAN. QazAqparat - Túrkistan oblysynda jergilikti turǵyndy azaptap óltirip, aýyl shetine tastap ketken. Keles aýdanynda bolǵan aýyr qylmys boıynsha kúdiktiler bir aptadan soń ustaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, atalǵan aýdandaǵy kentterdiń biriniń shetinen denesinde zorlyq-zombylyqtyń belgisi bar kisi máıiti tabylǵan. Oqıǵa ornyna kelgen polıtseıler marqumnyń jergilikti turǵyn ekenin anyqtap, shuǵyl shara qabyldap, qylmyskerlerdi izdeýge kirisken. Nátıjesinde osy qylmysqa qatysy bar degen birneshe kúdikti ustaldy. Olardyń arasynda buryn sottalǵany da bar bolyp shyqty. Jaýap alý barysynda kúdiktiniń biri ólgen adammen bir kún buryn túnde janjaldasyp qalǵanyn, keıinnen oǵan pyshaq suǵyp alǵanyn moıyndaǵan. Qylmysty jasyrý maqsatynda tanysymen birge máıitti aýyldyń syrtyna aıdalaǵa tastap ketken.
«Qazirgi tańda kisi ólimi boıynsha QR QK-niń 99 babymen («Adam óltirý») sotqa deıingi tergeý amaldary júrgizilýde. Zattaı aıǵaqtar tárkilenip, kúdiktiler qamaýǵa alyndy. Polıtseıler aýyr qylmystyń barlyq sebep-saldaryn anyqtaýda» delingen habarlamada.
