Túrkistan oblysynda aýyldaǵy dámhana órtendi
TÚRKІSTAN. QazAqparat – Túrkistan oblysynyń Saryaǵash aýdanynda dámhana órtendi, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«27 qyrkúıek kúni órtke qarsy qyzmet pýltyna Saryaǵash aýdany Derbesek aýylyndaǵy «Nusqabek ata» kafesiniń órtenip jatqany týraly habar tústi. Órt sóndirý sharalarynyń arqasynda tilsiz jaý 07:42-de aýyzdyqtalyp, 08:40-ta tolyqtaı sóndirildi. Jalyn 290 sharshy metr aýmaqty sharpydy», delingen habarlamada.
Oqys oqıǵadan eshkim zardap shekpedi.
Bastapqy boljamǵa sáıkes, órtke elektr symynyń qysqa tuıyqtalýy sebep bolýy múmkin. Órtti sóndirýge oblystyq TJD jeke quramynan 17 adam jáne 4 órt sóndirý tehnıkasy jumyldyryldy.
