Túrkistan oblysynda aýrýlardy basqarý baǵdarlamasy óz nátıjesin berýde
TÚRKІSTAN. QazAqparat – Túrkistan oblysy boıynsha «Densaýlyq» memlekettik aýrýlardy basqarý baǵdarlamasyna 50 myńǵa tarta naýqas iriktelgen. Bul jóninde sala mamandarynyń qatysýymen ótken jıynda «Áleýmettik medıtsınalyq saqtandyrý qory» KEAQ Túrkistan oblysy boıynsha fılıalynyń bas sarapshysy Zaıra Úmbetova málim etti, dep habarlaıdy QazAqparat tilshisi.
Bas sarapshynyń sózinshe, atalǵan baǵdarlama boıynsha tirkelgen naýqastardyń arasynda qant dıabeti, arterııalyq gıpertenzııa jáne sozylmaly júrek jetkiliksizdigine shaldyqqan turǵyndar bar.
«Elimizde adamnyń aýrý-syrqaýy asqynýynyń jáne óliminiń tómendeýine baǵyttalǵan sozylmaly ınfektsııalyq emes aýrýlardy emdeýge birlesken jaýapkershilikti qalyptastyrý maqsatynda 2016-2019 jyldarǵa arnalǵan engizý arqyly alǵashqy medıtsınalyq-sanıtarlyq kómekti kúsheıtý jumystary júrgizilýde. Osy rette, oblys boıynsha aýrýlardy basqarý baǵdarlamasyna 49094 (31,2%) naýqas iriktelgen. Onyń ishinde, qant dıabetimen aýyratyndar – 5649(25,5%), arterııalyq gıpertenzııa - 42270(32,3%), sozylmaly júrek jetkiliksizdigi bar naýqastar - 1175(25,8%) qurady»,- deıdi Zaıra Úmbetova.
Jıynǵa qatysqan qor ókilderi búginde baǵdarlama qatysýshylarymen kelisim jasalyp, naýqastarǵa ózin-ózi baqylaýǵa arnalǵan kúndelikter berilgenin aıtady. Kelisimge sáıkes, medıtsınalyq uıymdar mýltıdıstsıplınarlyq komanda qurýy tıis. Sondaı-aq, ABB-na qatysýshy patsıentpen turaqty baılanysta bola otyryp, patsıentti dınamıkalyq baqylaýdy qamtamasyz etýi kerek.
«Emhanalarda densaýlyq mektepteri jumys isteıdi, onda patsıentterdi ózine-ózi kómek kórsetý qaǵıdattaryna, óz densaýlyǵyna durys qarym-qatynasqa úıretedi, óz bilimin jetildirý jáne salaýatty ómir salty boıynsha aqparattyq materıalmen qamtamasyz etedi. Aqparattandyrylǵan patsıent ózin-ózi baqylaý kúndeligin júrgizedi, onyń densaýlyǵyna áser etetin faktorlardy baqylaıdy, bul rette patsıenttiń minez-qulqy ózgeredi, onyń óz densaýlyǵy úshin jaýapkershiligi artady. Osylaısha, baǵdarlama patsıentterge medıtsınalyq qyzmetkerlermen birge óz aýrýlaryn basqarýǵa jáne asqynýdy boldyrmaýǵa múmkindik beredi»,- deıdi «Áleýmettik medıtsınalyq saqtandyrý qory» KEAQ Túrkistan oblysy boıynsha fılıalynyń bas sarapshysy Merýert Botasheva.
Jıyndy qorytyndylaǵan mamandar baǵdarlamaǵa qatysý arqyly turǵyndardyń boıynan oń ózgerister baıqalatynyn aıtady. ıAǵnı, arterıaldyq gıpertenzııasy bar patsıentterde protsestiń turaqtalýy jáne arterıaldyq qysymdy baqylaý mashyqtarynyń qalyptasýy paıda bolyp, tıimdiligin kórsetken. Sozylmaly júrek jetkiliksizdigi bar patsıentterdi aýrýhanaǵa jatqyzý jaǵdaıy jáne jedel járdem shaqyrtýlardyń sany azaıǵan.
