Túrkistan oblysynda aýrýhanada jatqan naýqastar sany azaıyp keledi
TÚRKІSTAN. QazAqparat – Túrkistan oblysy boıynsha aýrýhanada jatqan naýqastar sany azaıyp keledi. Búginde emdeý mekemelerinde jatqan azamattar dárigerlerge alǵysyn bildirip jatyr, dep habarlaıdy QazAqparat tilshisi.
Túrkistan qalalyq ortalyq aýrýhanasynda em qabyldap jatqan Saragúl Tileýbergenovanyń aıtýynsha, medıtsınalyq mekemede barlyq dári-dármek mólsheri jetkilikti. 67 jastaǵy turǵyn qalalyq aýrýhanaǵa aýyr halde 12 kún buryn jetkizilgen. Júrek talmasy men qan aınalymynyń buzylýynan jedel-járdemge júgingen. Artynan qatty jótel qysyp, tynys alýy nasharlaǵan. Ýaqtyly jasalǵan em-domnyń arqasynda aýrýhanada jatqan ol aýrýynan tolyǵymen aıyqty. Ózi de 40 jyl medıtsına salasynda qyzmet atqarǵan zeınetker dárigerlerge rızashylyǵyn bildirip, alǵysyn aıtty. Naýqastardyń taǵy biri Saıara Omarova da 10 kún buryn aýrýhanaǵa túsken bolatyn. 35 jyl muǵalim bolyp jumys istegen 61 jastaǵy naýqas buǵan deıin aýrýhanaǵa jatyp kórmegenin aıtady. Aq halatty abzal jandardyń arqasynda qazir jaǵdaıy qalypqa túsip, búgin aýrýhanadan shyǵaryldy.
«Dárigerler - qazirgi zamannyń naǵyz batyrlary. Olardyń eńbegi ólsheýsiz ári baǵaly. Búginde adam janynyń arashasyna aınalǵan aq halatty abzal jandar óz biliktilikterin kórsetýde»,- deıdi zeınetker ustaz.
Aıta keteıik, qazirgi tańda óńirde 2513 adam koronavırýs ınfektsııasyn juqtyrǵany anyqtalǵan. Olardyń 1949 dertterinen aıyqqan.
