Túrkistan oblysynda aýlasyna esirtki ekken turǵyn ustaldy
Óńirlik polıtsııa departamentiniń málimetinshe, aldyn ala túsken aqparatqa sáıkes tártip saqshylary jedel áreket etip, kúdikti turǵynnyń aty-jóni men meken-jaıyn anyqtaǵan. Kúdiktiniń úıiniń aýlasyn tekserý barysynda egilip, baptalǵan 6 túp esirtki zaty tabylǵan. Aıǵaqty zat retinde alynǵan ósimdikke sot-saraptamalyq zertteý júrgizilgen. Saraptama nátıjesinde ósimdiktiń «sora» esirtki zaty ekendigi anyqtalyp otyr. Qazirgi tańda sotqa deıingi tergeý amaldary júrgizilip jatyr. Kúdikti eshqaıda ketpeý týraly qolhatpen úıine jiberildi.
«Túrkistan oblysynyń polıtseıleri quramynda esirtki zaty bar ósimdikterdi ekkeni úshin qylmystyq jaýapkershilik qarastyrylǵanyn eskertedi. Tártip saqshylary esirtkiniń qoǵam derti ekendigine basa nazar aýdara otyr, ony ósiretindermen, qoldanatyndarmen jáne tasymaldaýshylarmen kúresti kúsheıtýde. Sondyqtan esirtkige qatysty qandaı da bir aqparatty bilseńiz birden polıtsııanyń «102» nómirine habarlasyńyz. Bul esirtkige baılanysty qylmystardyń azaıýy men jolyn kesýge septigin tıgizedi», - dep atap ótedi vedostvodan.
