Túrkistan oblysynda aýdandyq polıtsııa bólimi bastyǵynyń burynǵy orynbasary ustaldy

ASTANA. QazAqparat - Túrkistan oblysy boıynsha Sybaılas jemqorlyqpen kúres qyzmeti Túrkistan oblysy Saýran aýdandyq polıtsııa bólimi bastyǵynyń burynǵy orynbasaryna, polıtsııa polkovnıgine qatysty sotqa deıingi tergep-tergeýdi bastady.

Bul týraly QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.

Polkovnıkke polıtsııa bóliminde alaıaqtyq faktisi boıynsha tergelip jatqan tulǵalardy qylmystyq jaýapqa tartýǵa jáne is boıynsha zalaldy óteýge járdemdesý úshin alaıaqtyq jolmen 1 mln teńge mólsherinde aqsha aldy degen kúdik keltirilip otyr.

Kúdiktiniń kinásin tolyq moıyndaýy jáne keltirilgen zalaldy óteýine baılanysty oǵan tergeý sotynyń sanktsııasymen «úıqamaq» bultartpaý sharasy sanktsııalandy.

«Sotqa deıingi tergep-tekserý jalǵasýda. Ózge aqparat tergeý múddesinde jarııa etýge jatpaıdy»,-delingen habarlamada.