Túrkistan oblysynda aýa raıynyń kúrt nasharlaýyna baılanysty joldar jabylýda
TÚRKІSTAN. QazAqparat – Túrkistan oblysynda aýa raıynyń kúrt nasharlaýyna baılanysty joldar jabylýda, - dep habarlaıdy QazAqparat tilshisi.
Tótenshe jaǵdaılar departamenti mamandarynyń habarlaýynsha, Túlkibas aýdanynda «Hargos-Almaty-Taraz-Shymkent-Tashkent» Respýblıkalyq mańyzy bar A-2 avto jolynyń 593-619 km ýchaskesinde (Jambyl oblysynyń shekarasy-Túrkistan oblysy) barlyq avtokólik túrlerine qozǵalys jabyldy.
Túrkistan oblysy Polıtsııa departamentiniń aýdandaǵy polıtsııa qyzmetkerleri respýblıkalyq, oblystyq mańyzy bar joldardy patrýldep, júrgizýshiler men jolaýshylardyń joldaǵy qaýipsizdikterin qamtamasyz etýde.
Mamandar asa qajettilik bolmasa, jolǵa shyqpaý kerektigin eskertip otyr.
«Azamattar kún raıynyń ózgerýin baqylap, eskertý habarlamalaryn nazarǵa alý kerek. Barshańyzǵa qajetti saqtyq sharalaryn saqtaýǵa shaqyramyz. Qys mezgili kezinde eldi mekender arasyndaǵy avtomobıl joldaryna shyǵýdy josparlamas buryn mindetti túrde aýa-raıyn bilip alǵan jón», - deıdi polıtsııa qyzmetkerleri.
