Túrkistan oblysynda «Ashyq» jobasyna qatysatyn obektiler shekteýsiz qyzmet kórsetedi

TÚRKІSTAN. QazAqparat – Túrkistan oblysy aýmaǵynda koronavırýstyq ınfektsııanyń taralýyn aldyn alý boıynsha shekteý sharalary týraly Túrkistan oblysynyń Bas memlekettik sanıtarııalyq dárigeriniń qaýlysy shyqty, dep habarlaıdy QazAqparat tilshisi.

Qaýlyǵa sáıkes:

- «Ashyq» jobasyna qatyspaıtyn nysandarda buqaralyq is-sharalardy (merekelik, oıyn-saýyq mádenı-buqaralyq is-sharalardy, konferentsııalardy, forýmdardy, merekelik korporatıvterdi jáne t.b.), otbasylyq is-sharalardy (úılený toıy, mereıtoı, betashar, qyz uzatý, qudalyq) jáne kópshilik jınalatyn ózgede is-sharalardy ótkizýge tyıym salynǵan.

- Qoǵamdyq oryndarǵa jáne qyzmetine ruqsat etilgen obektilerge barǵan kezde, sondaı-aq, ashyq aýada ornalasqan qoǵamdyq oryndarda bolǵan kezde betperde kııý, 1,5-2m. áleýmettik araqashyqtyqty saqtaý jáne antıseptıkterdi paıdalaný jónindegi talaptar qatań saqtalýy qajet.

Túrkistan oblysy jasyl aımaqqa ótýine oraı «Ashyq» jobasyna qatysatyn áleýmettik-ekonomıkalyq obektilerdiń qyzmetin shekteý qoıylmaıdy. Oblysaralyq turaqty emes (týrıstik) tasymaldar, áýejaılar, temirjol, avtomobıl jáne sý vokzaldary, ózen jáne teńiz porttary, avtostantsııalar, avtomobıl ótkizý joldary, jolaýshylarǵa qyzmet kórsetý pýnktteri, HQKO, Bankter, «Qazpochta» AQ bólimsheleri, Mektepke deıingi bilim berý uıymdary (ata-analardyń ótinishteri boıynsha) qalypty deńgeıde qyzmet kórsetedi.

Personal men kelýshilerdegi qaýipsiz «jasyl» mártebe boıynsha «Ashyq» jobasyna qatysatyn obektilerdiń tizbesine sáıkes saltanatty, as berý, otbasylyq is-sharalardy (banketter, as berý) ótkizý, konferentsııalar, forýmdar, adamdar kóp jınalatyn oıyn-saýyq jáne ózge de is-sharalar, kórmeler, marafondar, kórermender qatysatyn sporttyq is-sharalar ótkizýge shekteý joq.