Túrkistan oblysynda «Ashyq» jobasyna qatysatyn nysandardyń jumysyna ruqsat berildi

TÚRKІSTAN. QazAqparat – Túrkistan oblysynda «Ashyq» jobasyna qatysatyn barlyq nysandardyń jumysyna ruqsat berildi. Oblystyń bas memlekettik sanıtarııalyq dárigeriniń «jańa qaýlysyna sáıkes, atalǵan jobaǵa qatysatyn nysandarǵa senbi, jeksenbi kúnderi qoıylǵan shekteýler alynyp tastaldy, dep habarlaıdy QazAqparat tilshisi.

Óńir «jasyl aımaqta» bolǵandyqtan «Ashyq» jobasyna qatysatyn meıramhana, dámhana qoǵamdyq tamaqtaný obektileri toltyrylýy 50%-ǵa deıin, biraq 70 orynnan asyrmaı saǵat 7.00-den 24.00-ge deıin jumys isteýge ruqsat («Kóshbasshy» mártebesimen saǵat 7.00-den 02.00-ge deıin).

Banket zaldary (meıramhanalar jáne dámhana tıpi boıynsha kelýshilerge qyzmet kórsetý) toltyrylýy 50%-ǵa deıin, biraq 70 orynnan asyrmaı saǵat 7.00-den 24.00-ge deıin jumys isteýge ruqsat («Kóshbasshy» mártebesimen saǵat 7.00-den 02.00-ge deıin).

Saýnalar, monshalar, SPA-ortalyqtar men basseınder, sport keshenderi, qonaq úıler, saýda-oıyn-saýyq ortalyqtary saýda úıleri, ashyq jáne jabyq bazarlar, sulýlyq salondary jumys jasaıdy.

Qoǵamdyq kólikter «Ashyq» jobasyna qatyspaıtyn bolǵandyqtan senbi kúni qyzmet kórsetedi, jeksenbi kúni jumystaryna tyıym salynady. Sonymen qatar demalys aımaqtary da «Ashyq» jobasyna qatyspaıtyn bolǵandyqtan senbi, jeksenbi kúnderi qyzmet kórsetpeıtin boldy.