Túrkistan oblysynda «Ashyq» jobasyna qatysatyn nysandar týraly qaýly shyqty
NUR-SULTAN. QazAqparat – Túrkistan oblysynyń Bas memlekettik sanıtarlyq dárigeriniń orynbasary Asqar Ysqaqov «Túrkistan oblysynda «Ashyq» jobasyna qatysatyn sýbektilerge shekteý sharalaryn bekitý týraly» qaýly shyǵardy, dep habarlaıdy QazAqparat.
1. Túrkistan oblysynyń qala jáne aýdan ákimderi, oblystyq Kásipkerler palatasynyń basshysyna, memlekettik organdar, zańdy tulǵalar jáne kásipkerlik sýbektilerine:
1.1. Túrkistan oblysynda «Ashyq» jobasyna qatysatyn sýbektilerdiń áleýmettik-ekonomıkalyq nysandarynyń qyzmetine ruqsat berý jáne shekteýdi iske asyrý jumystary QR BMSDQ-da bekitilgen jumys algorıtmderine sáıkes júrgizilsin.
2. Túrkistan oblysynyń qala jáne aýdan ákimderi, oblystyq sanıtarlyq-epıdemıologııalyq baqylaý departamentiniń aýdandyq, qalalyq basqarmalarynyń basshylaryna, oblystyq Kásipkerler palatasy men polıtsııa departamentiniń basshylaryna:
2.1. «Ashyq» jobasyna qatysatyn nysandardyń qyzmetine monıtorıng júrgizý qamtamasyz etilsin;
2.2. oblystaǵy monıtorıngtik toptardyń jáne úılestirý ortalyǵynyń jumystary kúsheıtilsin;
2.3. karanıtn kezinde belgilengen shekteý sharalaryn jáne jáne basqa da talaptardy buzý, oryndamaý anyqtalǵanda tıisti ákimshilik sharalar, onyń ishinde QR normatıvtik-quqyqtyq aktilerine sáıkes, nysandardyń qyzmetin toqtata turý sharasy qoldanylsyn.
