Túrkistan oblysynda ashylǵan Call–ortalyqqa myńǵa jýyq turǵyn habarlasqan
TÚRKІSTAN. QazAqparat – Elmizdegi tótenshe jaǵdaıǵa baılanysty Túrkistan oblysy ákimdiginiń janynan turǵyndardyń saýaldaryna jedel jaýap berý úshin arnaıy Call–ortalyq ashylǵan bolatyn. Búginde bul ortalyq 109 nómiri arqyly táýlik boıy turǵyndardan qońyraýlar qabyldaýda, dep habarlaıdy QazAqparat tilshisi.
Qazirdiń ózinde ortalyq myńǵa jýyq qońyraý qabyldap úlgergen. Onyń basym bóliginde turǵyndar tótenshe jaǵdaıda elimiz boıynsha qozǵalý men áreket etý, azyq-túlik baǵalaryn bilý men halyqqa qyzmet kórsetý ortalyqtary jaıly aqparat beredi. Sondaı-aq, memlekettik mekemelerdiń jumys kestesin anyqtaý men kópbalaly jáne turmysy tómen otbasylarǵa, múgedekterge beriletin memlekettik kómek týraly saýaldarǵa jaýaptar berilgen. Jınalǵan barlyq saýaldardy operatorlar salalyq qurylymdarǵa joldap, der kezinde jaýap joldaý úshin jumys isteýde.
