Túrkistan oblysynda asfalt-beton zaýyty iske qosyldy
TÚRKІSTAN. QazAqparat - Túrkistan oblysynda jańadan salynǵan asfalt-beton zaýyty iske qosyldy. Kásiporyn gretsııalyq «Soldatos» JShS-gi men «Túrkistan» ÁKK» AQ-nyń fılıaly - «TURKISTAN INVEST» ınvestıtsııalyq kompanııasynyń birlesip atqarǵan jumystary nátıjesinde ashylyp otyr, dep habarlaıdy QazAqparat tilshisi.
«TURKISTAN INVEST» ınvestıtsııalyq kompanııasy baspasóz qyzmetiniń málimetinshe, jobany júzege asyrý maqsatynda tartylǵan ınvestıtsııanyń jalpy quny 300 mln teńgeni quraıdy. Zaýyt Maqtaral aýdanyndaǵy ındýstrıaldyq aımaqtyń 3 gektar jer aýmaǵynda salynǵan. Jobanyń josparlanǵan jyldyq qýattylyǵy - 20 myń tonnany quraıdy. Óndiris basyna 30 adam turaqty jumysqa tartylyp otyr. Aldaǵy ýaqytta daıyn ónim Qazaqstan boıynsha satylady dep josparlanǵan.
