Túrkistan oblysynda «Ańsaǵan sábı» baǵdarlamasy aıasynda 100-den astam náreste ómirge keldi
Densaýlyq saqtaýdyń basym baǵyttarynyń biri ana men balany qorǵaý bolyp qala beretinin atap ótken mınıstr elimizdegi perınataldyq qyzmet deńgeıin kóterý mindeti qoıylyp otyrǵandyǵyn jetkizdi.
«Memleket basshysynyń tapsyrmasyn iske asyrý aıasynda halyqaralyq standarttarǵa sáıkes keletin 8 perzenthana, onyń ishinde Túrkistan oblysynda – 2 perzenthana salý josparlanýda», - dedi A.Ǵınııat.
Sondaı-aq, elimizdiń bas dárigeri «Ańsaǵan sábı» baǵdarlamasy aıasynda Túrkistan oblysynda 100-den astam náreste ómirge kelgendigin aıtyp ótti.
«2021 jyldan bastap Qazaqstan Respýblıkasy Prezıdentiniń tapsyrmasy boıynsha «Ańsaǵan sábı« arnaıy baǵdarlamasy iske qosyldy. Onda 2026 jylǵa deıin EKU-ǵa jyl saıyn 7000 kvota bólý qarastyrylǵan. 2021 jyly Túrkistan oblysynda 453 kvota bólindi. 62 áıel júkti bolyp, 106 - sy bala týýdyń baqytyna ıe boldy» - dedi mınıstr.
Sondaı-aq, A.Ǵınııat densaýlyq saqtaý júıesin kadrlarmen qamtamasyz etý týraly aıtty. Máselen, 2021 jyly elimizdiń óńirlerine medıtsınalyq joǵary oqý oryndarynyń 3050 túlegi bólindi. Onyń ishinde Túrkistan oblysyna – 180 túlek jiberilgen. Al, bıyl 170 túlek jiberý josparlanýda.
2025 jylǵa qaraı respýblıkalyq bıýdjet esebinen granttar sany 2000-ǵa deıin jáne jergilikti bıýdjet qarajaty esebinen 1500-den astam grant ulǵaıtylatyn bolady.
