Túrkistan oblysynda anasyna renjigen eki oqýshy qyz úıden ketip qalǵan
LEŃGІR. QazAqparat - Túrkistan oblysynda joǵalǵan eki birdeı jasóspirim qyz tabyldy, dep habarlaıdy QazAqparat.
Tólebı APB-ǵa jergilikti 2 áıel habarlasyp, ózderiniń 9-synyp oqıtyn qyzdary mektepke ketip, sodan habarsyz ketkenin kórsetken.
14 jasar qyzdardyń analary óz betinshe izdep tappaǵan soń polıtsııa qyzmetkerlerinen kómek suraıdy.
Tártip saqshylary habar alysymen kámelet jasyna tolmaǵan eki birdeı qyzdy tabýǵa birden kiristi.
Barýy múmkin degen aımaqtardy jiti baqylap, barlyq týystary men dostarynan jaýap aldy.
Osylaısha polıtseıler tabandylyqpen jasalǵan jumystyń nátıjesinde az ýaqyt ishinde joǵalǵan eki qyzdy megopolısten tapty.
Belgili bolǵandaı, qyzdar joǵalardan buryn otbasynda ata-anasynyń arasynda janjal týyndaǵan.
Osynyń saldarynan eki qyz ózara aqyldasyp, úıden ketip qalýdy kózdegen.
Sodan soń mektepten shyǵyp, ózderiniń jınap júrgen aqshayn alyp, Shymkent qalasyna qaraı baǵyt alǵan.
Óz kezeginde jasóspirim qyzdardyń aman-esen tabylǵanyna qýanǵan analary Tólebı polıtsııa qyzmetkerlerine shyn júrekten alǵysyn jetkizdi.
Túrkistan oblysynyń polıtseıleri ata-analarǵa qyraǵy bolýdy jáne balalaryn qaraýsyz qaldyrmaý qajettigin eskertedi.
«Sonymen qatar qyzdaryńyzben syrlasyp, oıyn tolyq tyńdaýǵa shaqyrady. Balalaryńyz nemese jaqyndaryńyz adasyp, joǵalǵan jaǵdaıda, tez arada 102 telefony arqyly polıtsııaǵa habarlasyńyzdar» deıdi polıtseıler.
