Túrkistan oblysynda alǵashqy qar jaýdy
TÚRKІSTAN. QazAqparat - Túrkistan oblysynda qar jaýdy. Alǵashqy qar oblystyń soltústiktegi Sozaq pen taýly Túlkibas, Tólebı aýdandaryna túsken, dep habarlaıdy QazAqparat tilshisi.
«Sozaq aýdanynda keshe jańbyr jaýyp, sońy qarǵa ulasqan. Qar Aşysaı aýyly men taýǵa túsken. Qazir qardyń bıiktigi 2 sm jetti. Munda kúndiz aýa temperatýrasy +2 gradýs, túnde -5 gradýs boldy», - dedi «Qazgıdromet» AQ oblystyq fılıalynyń mamandary.
Óńirdiń taýly aýdandarynda da qys bastalyp ketti. Atap aıtqanda Tólebı men Túlkibas aýdandaryna da búgin qar túsip otyr. Sondaı-aq , Shymkentte de kún kúrt sýytty. Qatty jel turyp, sekýndyna 20 metrge deıin jetken. Birqatar úılerdiń shatyryn ushyryp, aǵashtardy qulatqan. Aýa raıy kúndiz 8-10 gradýs jylylyqty kórsetip, túnde 1-3 gradýsqa deıin sýyq bolýda.
