Túrkistan oblysynda áleýmettik jelige ekstremıstik materıaldar jarııalaǵan kúdikti ustaldy
Áleýmettik jelilerge monıtorıng júrgizý barysynda Túrkistan oblysynyń polıtseıleri men Túrkistan oblysy boıynsha Ulttyq qaýipsizdik komıteti departamentiniń qyzmetkerleri ınternette ekstremıstik sıpattaǵy tyıym salynǵan materıaldardy ornalastyrý deregin anyqtaǵan.
Áleýmettik jeli qoldanýshylarynyń biri «Vkontakte» jáne Telegram paraqshalarynda dinı alaýyzdyq belgileri bar ekstremıstik beınerolıkter men mátindik habarlamalar jarııalaǵan. Atalǵan derek QR QK-niń 256-baby 2-bóligi «terrorızmdi nasıhattaý nemese terrorızm aktisin jasaýǵa jarııa túrde shaqyrý» boıynsha sotqa deıingi tergeýdiń biryńǵaı tizilimine tirkeldi.
«Jedel-izdestirý is-sharalarynyń nátıjesinde Túrkistan oblysy polıtsııa departementiniń ekstremızmge qarsy is-qımyl basqarmasy men Túrkistan oblysy boıynsha Ulttyq qaýipsizdik komıteti departamentiniń qyzmetkerleri birlesip, kúdiktini turǵylyqty jeri boıynsha ustady. Ol Sozaq aýdanynyń turǵyny, destrýktıvti dinı aǵymnyń jaqtaýshysy bolyp shyqty. Onyń úıin tintý kezinde jedel ýákilder uıaly telefondar, noýtbýk jáne tyıym salynǵan dinı ádebıetterdi taýyp, tárkiledi» - delingen Túrkistan oblysy polıtsııa departmentiniń baspasóz qyzmeti taratqan habarlamada.
Qazirgi ýaqytta atalǵan jaıt boıynsha sotqa deıingi tergeý amaldary júrgizilýde. Kúdikti qamaýǵa alyndy. Oqıǵanyń barlyq mán-jaıy anyqtalýda.
